mura ka lang ba?

birthday ng kapatid ko ngayon..mabuhay! pareho na kaming 18 years old. next month, ako naman ang aabante. haha. saya no? abutan ng age..tumatanda na nga ang mundo..naku, teka, ito nanaman, usaping edad na naman.

kagagaling lang namin ng simbahan, at natuwa ako sa sermon ng pari..nabanggit niya pa ang major lss (hanggang ngayon pa rin grabe) ko na naging topic pa ng aking previous entry..ang batang bata ka pa ng apo.

tungkol sa mga bata kasi and how God favors o likes kids yung homily. nakakatawa yung mga examples niya dahil naremind talaga ako ng kabataan (naks) ko.

ang mga bata daw, kapag hindi makadumi, makikita mong na sa may pinto ng cr ang nanay nila.

"uu..uu..uu na yan...." <-- moral suport na kailangang marinig ng tiyan mo at tiyak ang paglabas niya.

kapag hindi naman daw ma-ihi, "shh..wshswshshhhwsshshshsswhh.." lang ang katapat niyan. freeflowing na ang unwanted liquid ng sistema mo.

laftrip. andaming bumalik na memories tungkol sa younger days.

~

ang mga bata kasi, mura lang. madaling tapatan.

"tama na iyak, bili tayo mcdo mamaya"

"o wag kang malikot, bebenta kita sa bombay."

kahapon, nang bigla akong pinaospital before ng finals ko sa ES dahil sa matinding pantal na nafoform sa mata ko (wag ko na lang idescribe, may cr talk na nga may maiimagine ka pa) narinig ko habang naghihintay ng turn ko kay doc ang mag-ama sa harap ko...

"wag kang maingay, isusumbong na kita sa guard. lagot ka sa batuta niyan."

simpleng simple, tameme si kuyang malikot.

~

sa kabilang dako, ang mga matatanda kasi, mahal na.

hindi na pinagdiinan to ni father. pero totoo naman. marami na kasi sigurong pinagdaanan ang matatanda. "experienced" na ika nga nila. lalo na yung matatalino, mga sikat, may posisyon, may kapangyarihan.

mga dakila.

ang mamahal nila, kahit na hindi naman talaga.

~

ako, maraming moments na napaka mahal ng tingin ko sa sarili ko. may kayabangan din kasi talaga ako. aminado naman ang panghent na to. hehe. pero i at least acknowledge. its a start diba? may mga nakasagutan (understatement) pa nga akong classmates dahil jan eh.

ayoko nang maging mahal. hassle. daming nakakabangga. siguro, magpapaka mahal mahalan na lang ako kapag alam kong kinakailangan nang magkaalaman ng punto. lets just say na hindi naman kasi ako dormant person. pero talaga, itatry ko nang maghold ng sale sa presyo ko. baka dumating ang time na wala nang magtiyaga sa katarayan ko.

ikaw. magkano ka ba?